Водич за материјали

Декорирањето и сликањето на гардеробата или текстилот во ентериерот стана многу едноставно со појавата на бои за текстил. Со малку креативност, вештина и трпение можете да направите интересни нешта, да ги освежите оние што ви здодеале или дури да покриете некои оштетувања или дамки поради кои таа маица или фармерки со месеци ви стојат во плакарот.

Сепак, важно е да го изберете вистинскиот тип на боја за материјалот на кој планирате да работите, за резултатите да бидат успешни и трајни. Повеќето бои на пазарот се наменети за употреба на посветли природни материјали како што се памук или лен, а кога ткаенината содржи дел од синтетика, производителите наведуваат дека е добро тоа да биде што помал процент – до 20%. Исто така, треба да се води сметка и за еластичноста - многу еластичните ткаенини не се добри за сликање со густи и покривни бои за текстил, бидејќи тоа носи ризик дека ако сте нанеле боја во подебел слој, таа ќе пука при растегнување на ткаенината. Стандардните бои за текстил се одлични за памучни маици, дуксери или фармерки, но што кога сакате да декорирате синтетика, кожна чанта или чевли? Но, што кога ќе посакате да декорирате синтетичка ткаенина, кожна чанта или чевли, чадор или есенска јакна? Тогаш треба да изберете Leather бои.

Кои се карактеристиките на Darwi Боите за кожа?

Боите за кожа од брендот Darwi се направени токму за ткаенини кои се целосно вештачки, мазни, пластифицирани или станува збор за природна и вештачка кожа. Нивна најважна одлика - кај боите за природни материјали задолжителен чекор е пеглањето на насликаниот дел за да се фиксира бојата и да биде отпорна на перење, а Darwi Боите за кожа се направени така што е доволно насликаното да го оставите да се суши 48-72 часа на воздух, бидејќи често се употребуваат на предмети кои е едноставно невозможно да се пеглаат (ранец, шушкава јакна, чевли и слично).

Се продаваат во шишенца од 30 ml, Пакувањето од 30 ml укажува дека се наменети за детали, а не за боење на цела облека. Боите се многу пигментирани, па мала количина и еден тенок слој се обично доволни за постигнување на посакуваните резултати.

Како се користат боите за кожа?

Нивната употреба е многу едноставна. Како и кај сите останати видови на декорирање и сликање, важно е подлогата на која работите да биде чиста и сува за бојата добро да прилепи и за подоцна да не се лупи и испира. Препорачливо е претходно да ја испланирате скицата, бидејќи овие бои се трајни и тешко се отстрануваат доколку згрешите., бидејќи овие бои е речиси невозможно да се измијат и да се поправат грешките.

Бојата се нанесува со еластични, но меки четки (четки од синтетички еластични влакна идеално се согласуваат со овие бои), а можете да ги нанесувате и со различни сунѓери така што бојата би ја тапкале преку шаблони, на пример. Боите, се разбира, меѓусебно можат да се мешаат за да се добијат нови нијанси, а не е пожелно да се разредуваат бидејќи на тој начин се намалува нивната сврзувачка моќ и се доведува во ризик нивната трајност на материјалот подоцна.

Откако ќе завршите со сликањето и сте задоволни со резултатот, потребно е насликаниот предмет да го оставите да се суши 2 до 3 дена. Тоа е единственото што овие бои го бараат и по тоа подолго сушење тие се фиксирани за подлогата и на неа ќе останат трајни и отпорни на перење на температури до 30 степени. Избегнувајте грубо чистење на таквата обувка, туку користете сунѓери за пребришување, а кожните предмети подоцна можете да ги премачкувате и со стандардни креми за заштита на кожни предмети.

Читај понатаму од нашиот блог

• Дали знаете кои типови пастели постојат?
• Акрилни медиуми — дали се неопходни или не