Водич за материјали

Бројот на видови пастели што можат да се најдат на пазарот, како и големите разлики во цените можат да ве збунат. Пред да ги додадете во вашата колекција, запознајте се со карактеристиките на секој тип за да го пронајдете оној што најмногу ви одговара.

Soft (меки), hard (тврди), пастели во молив и маслени пастели. Сите тие всушност претставуваат бои во форма на стапчиња. Она што се разликува е начинот на кој се поврзани. Сувите пастели (меки и тврди) и пастелите во молив се споени со гуми и смоли, компатибилни се едни со други и можете да ги користите на истиот цртеж. Маслените и восочните пастели се поврзани со масла и восок и нив можете да ги користите на истиот цртеж, но не можете да ги мешате со сувите пастели.

Меки пастели

Меките пастели најчесто ќе ги сретнете во ателјеата. Имаат висока концентрација на пигмент и мала количина на врзиво. Поради тоа оставаат мека трага, но поради таа мала количина на врзиво лесно и се кршат. Совршено се мешаат и се прелеваат ако нанесувате боја преку боја, но може да биде незгодно со нив да се работат прецизни детали, па затоа сликарите ги комбинираат со тврди пастели или пастели во молив. Кај нив изборот на бои е најбогат, некои производители имаат и по 500 нијанси и можете да ги најдете во различни форми на стапчиња.

Тврди пастели

Тврдите пастели се направени од истите состојки како и меките, но содржат повеќе врзиво и помалку пигменти, значи, нивната трага е попрецизна, но и со послаби бои, нема да се кршат и распаѓаат толку лесно. Како што веќе споменавме, уметниците обично ги користат во комбинација со меките пастели. Погодни се за детали и завршни потези кои ќе ги истакнат најбитните сегменти на цртежот. Исто така доаѓаат во два степени на квалитет, но ако забележите дека не е нагласено за кого се наменети, веројатно се работи за квалитет за ученици. Нема да ги најдете во толку голем избор на нијанси како кај меките пастели, но ги има, секако, сосема доволно. Дали ќе се одлучите за меки или тврди пастели е работа на вашиот сензибилитет и идеи, а за постигнување богатство во цртежот најдобро веројатно ќе биде да ги комбинирате.

Пастел во молив

Ако вашата цел е комбинација на јасни детали и меки премини кои можат да се постигнат само со пастели, а притоа сакате чисти раце, пастелите во молив би биле најдобар избор за вас. Во класичен дрвен молив се наоѓа стапче пастел кое по цврстина е помеѓу меките и тврдите. Можете да ги користите самостојно или во комбинација со други цртачки средства, можете да ги користите како суви, да ги потопувате во вода или да ги размачкувате со мокра четка, да ги острите за тенки или да ги користите за меки линии. Повеќето производители ги нудат во околу 80 нијанси и можете да ги купувате на парче или во сетови.

Маслени пастели

Ако ви се допаѓа како изгледаат маслените бои, но воопшто не ви се допаѓа мирисот на сите хемикалии што доаѓаат со нив, ниту тоа што за добри резултати морате да ја извалкате и палетата и четките, а понекогаш и гардеробата, разгледајте ја опцијата за работа со маслени пастели. И маслените пастели се стапчиња боја, но се врзани со масла и восок. Иако звучи како мала разлика, таа значително влијае на крајниот изглед на цртежот. Содржат голема количина на пигменти и оставаат силно обоена трага, но за разлика од сувите пастели, нема да направат прашина насекаде околу вас која би можела да им пречи на вашите бели дробови.

Поради високата концентрација на пигмент, квалитетните пастели можат да бидат скапи дури и за професионалците. Меѓутоа, не спаѓаат во прибор што брзо се троши, а повремените дополнувања со две или три стапчиња ќе бидат финансиски незабележливи. Ако ве привлекуваат овие цртачки средства, но не сте потполно сигурни дека ќе се пронајдете во тоа и дека ќе ви одговараат, предлагаме да си купите поевтина варијанта и за почеток да експериментирате, а секогаш можете да докупите неколку посериозни бои за да ја видите разликата во квалитетот.

Прочитајте повеќе на нашиот блог

• Што се тоа Promarkeri и како можеме креативно да ги искористиме?
• Дали сте пробале да сликате на платно за сликање (или хартија со текстура на платно)?