Водич за материјали

Chameleon маркерите се дефинитивно нешто сосема ново во светот на ликовната уметност. Овие маркери нудат можности какви што досега не сме виделе кај ниту еден друг бренд. Ако сакате да цртате и боите, се занимавате со илустрации, стрипови или дизајн, а досега не сте пронашле маркери кои ви овозможуваат нијансирање какво што се постигнува со акварел бои и меки четки со природни влакна (или во Photoshop програмата, на пример), можеби би требало да го погледнете ова наше претставување на Chameleon маркерите. За што станува збор?

Многу блиски до нив се познатите Copic маркери, како и Promarkeri за кои веќе ви пишувавме. Овие две споменати варијанти се исто така направени со идеја да им ја олеснат работата на илустраторите и дизајнерите и навистина со нив може да се постигне богатство на нијанси со помош на блендер – посебен маркер со провидна течност во себе, со кој можете да поминувате на местото каде што две нијанси се допираат за да ги споите и да направите постепено прелевање. Меѓутоа, тоа „прелевање“ има мани - може да доведе до оштетување на хартијата на која работите ако не користите таква која е посебно направена за овие техники или може да биде неуспешно ако претходната боја на хартијата е веќе сува.

Како се користат Chameleon Color Tones маркерите?

Chameleon има сосема поинаков принцип по кој се доаѓа до различни јачини на иста боја со еден маркер, речиси магично. Во едно „стапче“ се наоѓаат два различни врва (еден кој потсетува на четкичка и еден кој самиот производител го споредил со обликот на тркалезен врв), но се наоѓа и додаток со провидна течност кој е клучен за нијансирањето.

Начинот на користење на додатокот најлесно се сфаќа кога ќе го видите во пракса. Со притискање на врвот на маркерот во одредена боја на врвот на додатокот со транспарентна течност доаѓа до нивно мешање и кога веднаш потоа ќе почнете да боите по хартијата, прво трагата ќе биде целосно провидна, а во наредните неколку секунди постепено ќе се враќа нејзината оригинална нијанса. Навистина ефектно!

Chameleon картички за боење

Во овој случај не мора претерано да внимавате каква хартија користите бидејќи нема да има долготрајно "прелевање" кое кај другите маркери доведува до кинење на хартијата. Сепак, за што подобри резултати трудете се да користите хартии кои се предвидени за цртање со фломастери и маркери (кај тој тип на хартија составот, впивливоста и дебелината може значително да варираат, но нашиот совет е секогаш да бирате хартии со поголема грамажа и впивливи хартии на кои нијансите убаво ќе се спојуваат).

Еден одличен додаток од Chameleon серијата се картичките за боење со исцртани различни мотиви (zen, flowers, nature...). Секое пакување содржи по 16 картички кои се со димензии 10x15 cm и се направени од хартија предвидена за работа со алкохолни маркери, какви што се токму Chameleon маркерите, но и Copic и Promarkeri.

Прочитајте уште на нашиот блог:

• Што се тоа Promarkeri и како можеме креативно да ги искористиме?
• Дали знаете кои типови на пастели постојат?