Техники на сликање
Колку всушност знаеш за акварел техниката?
Накратко: Колку навистина знаеш за акварелот? Низ кратки, јасни целини ги објаснуваме акварел боите (течни и во коцки), кои четки се користат, каков хартија е добра (грамажа и текстура — hot/cold press, rough) и за што служи маскирната течност.
Кои четки се користат за акварел? Каква хартија е добра за водени бои? Одиме по ред.
Акварел бои
Водени бои . . . aqua – вода.
- Можат да бидат во течна состојба во туби или во цврста состојба во коцки.
- Во секој случај, се разредуваат со вода.
- Бојата која се исушила на палетата може повторно да се користи, само додај ѝ вода.
- Користењето на бела боја во акварелот се избегнува и посветла боја се добива со додавање на поголема количина вода.
Четки
За акварел се користат фини меки четки. Тоа се обично четки од природни меки влакна од куна, камила, верверица... но постојат и синтетички имитации кои се поповолни и практични за почетници. Во двата случаи важно е четката да може да впие и задржи многу вода. MOP - мека четка која кога ќе се намокри добива остар врв, а сепак има „стомаче“ кое впива многу вода.
Хартија за акварел
За хартијата да не се витка за време на нанесувањето на бојата и водата, важно е нејзината грамажа/дебелина да биде соодветна - барем 140 g/m². Колку е хартијата подебела, толку е помала веројатноста дека ќе се витка. Исто така, поголем процент на памук во составот на хартијата ја намалува веројатноста за виткање на хартијата за време на работата.
Акварел хартијата може да има различна текстура во зависност од начинот на изработка:
- hot press - мазна
- cold press - средно груба
- rough - груба
Маскирна течност
Акварелот е многу тешка сликарска техника бидејќи практично грешките не можат да се сокријат. Потребно е огрооомно искуство за да постигнеш баш она што го сакаш од прва. Но, постои помош - маскирна течност која ја нанесуваш на хартијата пред сликањето, на оние места кои сакаш да останат бели и со тоа го блокираш продирањето на бојата до тие површини. Откако бојата ќе се исуши, оваа течност едноставно се лупи од хартијата.
Дали кажавме сè што е важно? Можеби имаш нешто да додадеш?
Најчесто поставувани прашања
Во каква форма доаѓаат акварел боите?
Во течна состојба во туби или во цврста состојба во коцки. Двете се разредуваат со вода, а исушената боја на палетата може повторно да се користи — само додај ѝ вода.
Дали во акварелот се користи бела боја?
Користењето на бела боја главно се избегнува. Посветла нијанса се добива со додавање на поголема количина вода, а не со бела боја.
Кои четки се најдобри за акварел?
Фини меки четки — од природни влакна (куна, камила, верверица) или поповолни синтетички за почетници. Најважно е четката да впива и задржува многу вода (на пр. MOP четка).
Која грамажа на хартија е добра за акварел?
Барем 140 g/m². Колку е хартијата подебела и со поголем процент на памук, толку помалку се витка за време на работата со вода.
За што служи маскирната течност?
Ја нанесуваш пред сликањето на местата кои сакаш да останат бели; таа го блокира продирањето на бојата. Кога бојата ќе се исуши, едноставно ја лупиш од хартијата.
Читај понатаму од нашиот блог
- 12 совети за почетници — како да започнеш со сликање акварел
- Дали може да се слика со водени бои на платно?
- Дали знаеш што е теорија на бои — color wheel?
Продлабочи ја својата акварел вештина
Вистински бои, добри четки и квалитетна хартија — тоа е темелот на секој акварел. Опреми се и сликај.
Ready to create?