Подлога
Со маслени бои можеш да сликаш само на подлога која е подготвена за работа со овој тип на бои. Тоа може да биде: Платно на рамка, Платно на картон или на лесонит, Картон,Канвас хартија..
Но!
Секоја од овие подлоги мора да биде премачкана со gesso за да може твоето дело да биде трајно
Како да избереш бои?
Сите маслени бои може да се мешаат меѓусебно, без разлика на произведувачот. Истражувај, експериментирај и најди ги оние кои ти одговараат најмногу . Секако, сет од 10-15 бои и поголема туба со бела боја се одлчичен избор за почеток!
Четки и шпатули
За сликање со маслени бои избегнувај четки со многу меки и природни влакна. За маслени бои се препорачуваат четки со бели свински влакна или цврсти синтетички четки. Шпатулите се идеални за мешање на боите но и за нанесување на боите на платно и за текстура.
Медиуми
Терпентин и ленено масло
Бојата се разредува со терпентин, ленено масло или најчесто со мешавина од овие две компоненти. Достапни се и медиуми кои го содржат соодветниот процент на масло и терпентин, така да не мора да размислуваш за нивниот сооднос, за почеток. За миење на приборот користи терпентин.
