Не постои форма на четка за сите твои потреби? Никако да ги пренесеш своите идеи на платно? Ти треба релјеф на сликата?
Од што се направени?
Сликарската шпатула има кратка дрвена рачка која е лесна и прилагодена на положбата на раката во која, во повеќето случаи, се држат шпатулите. И поважниот метален дел што може да се изработи од неколку видови на метал, но шпатулите од не'рѓосувачки челик се покажаа како најдобри. Металниот дел се состои од врат и врв, и иако тој свиткан дел што го нарекуваме врат не изгледа особено важно, секако дека сериозните производители му посветуваат големо внимание да може шпатулата да е исто толку пријатна за работа. Постојат и поволни пластични хоби-варијанти на шпатули кои можат да бидат исклучително корисни и погодни за мешање на боите.
За што служат шпатулите за сликање? Нивните улоги се повеќекратни, но трите основни би биле:
- за сликање
- за мешање на боја (многу е попаметно да се користи шпатула наместо четка за оваа намена, особено кога станува збор за поголема количина на боја затоа што шпатулата нема да ја "изеде" бојата како четките)
- собирање боја од палетата (никогаш не можете да ја соберете бојата од палетата до последната трошка со каква било друга алатка освен шпатула, а истото важи и за чистење на палетата од исушена боја)
Во ниту едно ателје шпатулата не е бескорисна.
Најкорисните форми на шпатули за сликање
Ако сте почетник, дефинитивно ви треба овој одговор! И, само една шпатула ќе биде доволна за почеток, и идеално е ако ги имате барем овие три форми затоа што се покажаа како универзални и најчесто избрани и користени. Веројатно затоа што тие можат да се користат за сите три претходно наведени цели.
Што ја издвојува добрата шпатула за сликање?
Внимателно направена рачка - таа мора да биде лесна, фино обработена и прилагодена на раката. Вратот на шпатулата мора да биде свиткан во вистинската мерка, така што врвот ќе може да се вклопи под добар агол на површината на која сликате. Оние кои имаат искуство со шпатули, многу добро знаат за каков проблем станува збор. И од таа причина, почетниците треба да се држат до докажани брендови или да побараат препорака од поискусните. Врвот треба да биде изработен од тенок, но еластичен, издржлив и нерѓосувачки метал. Ако врвот се витка и не се враќа во првобитната положба, секако можете да го исправите со сила, но по неколку вакви несреќи веќе нема да биде идеално рамен и добар за сликање.
Чистење и одржување
Во прашање е метал, но бидете нежни со оваа алатка за сликање, како и со четките. Без употреба на прекумерна сила или притисок за време на работата! За да биде еластичен, металот мора да биде тенок, па затоа е чувствителен. Кога ја чистите шпатулата, обидете се да извадите поголем дел од бојата со крпа или хартија и да ја навлажнете шпатулата што е можно помалку со вода ... кога ова не е неопходно. Не ја оставајте бојата да се исуши на неа! Обично ќе можете да ја изгребете сувата боја со друга шпатула, но со маслени бои понекогаш ова оди потешко. Едноставно - не ризикувајте затоа што секое вакво грубо чистење носи ризик дека ќе се свитка шпатулата.
