Водич за материјали

Не зборуваме само за слики на платно, туку за сите твои дела каде што си користел акрилна или маслена боја. Знаеме дека тоа е напорен процес, особено кога станува збор за масло на платно, кое мора да се суши најмалку 6 месеци пред лакирањето...

Еве зошто лакирањето е клучен чекор што не смееш да го прескокнеш:

Интензитет на боите

Сигурно си забележал дека лакот веднаш ја освежува бојата, лакот му го враќа на делото изгледот на мокра боја, односно го зголемува нејзиниот интензитет. Исто така, ги истакнува разликите меѓу нијансите и му додава длабочина на делото, бидејќи слоевите боја стануваат поизразени.

Унифициран изглед

За време на сликањето, бојата ја разредуваме со различно количество вода или терпентин, а токму од тоа колку сме ја разредиле зависи каков сјај ќе има откако ќе се исуши... Затоа често се добива нееднаков сјај, каде некои делови изгледаат мат, а други сјајни. Лакот, меѓу другото, го изедначува сјајот. Или, пак, му дава на целото дело унифициран мат изглед, доколку избереш мат лак.

Заштита на сликата

Лакот е непропустлив слој кој спречува прашината и другите нечистотии од воздухот да дојдат до слоевите боја и да се залепат на нив. Покрај тоа, лаковите означени како UV resistant ја намалуваат можноста за избледување на боите со текот на времето. И дури и ако сликата по неколку децении пожолти, само ако е лакирана, реставраторот ќе може да го отстрани стариот лак и да нанесе нов, со што на сликата ќе ѝ го врати првобитниот изглед.

Кое е твоето мислење за лакирањето на слики? Дали некогаш го прескокнуваш овој чекор?