Водич за материјали

Фото: Artmie.mk

При купување на платно, сите се радуваме на таа прекрасна површина, која наскоро ќе стане жртва на нашата фантазија и креативни моменти. И навистина, клиновите се последното нешто на кое човек помислува во тој момент. Меѓутоа, тука многу уметници прават грешка…

Зошто клиновите за платно се важни за секој уметник

Да, така е. Нашите статистики покажуваат дека кон употребата на клинови се посклони искусните и професионалните уметници. Па, ако сакаш да личиш на нив или копнееш по поцврсто платно, не ги оставај да се влечкаат по ќошињата, туку земи чекан и би... (клинови, се разбира).

Совет: Како да знаеш дали твоето платно е доволно затегнато? Доволно е нежно да потчукнеш со прстите по средината - ако вибрира како мембрана на тапан, затегнато е правилно. Ако не, му треба барем уште еден клин. :)

Фото: Artmie.mk

Кога да се користат клинови за рамка со платно?

Ако ти пристигне нарачаното платно, може да се случи по транспортот да не биде толку затегнато како кога сме го пакувале во магацин. Овие мали отстапувања во затегнатоста се вообичаени при работа со платна. Во овој момент на сцена стапуваат клиновите, кои едноставно ги вметнуваш во отворите на рамката и платното повторно ќе биде како ново (всушност, тоа сè уште е ново...).

Друг случај е ако платното се олабави за време на сликањето. Секој вид боја различно влијае на платното и понекогаш може да се случи при сликањето или по него, платното малку да се опушти. И во овој случај, неколку клинови на вистинското место ќе го решат проблемот.

Да не ги заборавиме веќе завршените или постарите слики. Да, ако дома на ѕид ти виси слика чија возраст е еднаква на твојата, можно е и нејзиното платно да има потреба од малку затегнување. Промената може да биде предизвикана и од влијанието на температурата или околината - можеш да му помогнеш токму со користење на клинови.

Фото: Artmie.mk

Како да вметнеш клин во рамката на платното

Ако подобро ја погледнеш рамката што го држи платното, во внатрешните агли треба да има мали жлебови - по два во секој агол. Токму во нив се вметнуваат клиновите. Колку подлабоко се вметнати, толку повеќе рамката се шири и платното се затегнува.

Обиди се да ја следиш оваа постапка:

- работи полека и внимателно

- во аголот вметни ги двата клина и нежно турни ги со поострата страна во дрвото

- малку притисни ги со помош на чекан

- продолжи со следните агли така што сите клинови ќе бидат вметнати на иста длабочина

- провери го платното

Ако ти се чини дека платното е доволно затегнато, твојата работа е завршена; ако не, повторно малку притисни агол по агол, за клиновите во рамката да бидат на иста длабочина.

Совет: Понекогаш се случува еден агол да е поолабавен од останатите три. Тогаш можеш клиновите во него да ги вметнеш малку подлабоко.

Фото: Artmie.mk

Што треба да знаете при поставувањето на клиновите

Големината на клиновите не е универзална, туку се разликува според големината на рамките. Исто така, ниту обликот на клиновите не е фиксно одреден - најчесто функционира така што секој бренд има избран облик што го користи за своите платна. Ако клинот изгледа поинаку од оној што го имаш дома, тоа не значи веднаш дека е лош или расипан.

Веќе го спомнав неколку пати, но ќе кажам повторно: При работата постапувај нежно и внимателно. При прекумерно затегнување на платното би можела да испука маслената боја, да се оштети платното, или дури да се скрши рамката.

Совет: Ако во моментот не ти требаат клинови, добро е да ги зачуваш - за случај ако платното со текот на времето се олабави.

Фото: Artmie.mk

Поставувањето на клиновите можеш да ја погледнеш и во нашето видео:

Секој уметник сака неговото дело да изгледа беспрекорно. До совршено дело можат да ти помогнат и такви ситници како што се дрвените клинови. Затоа, следниот пат не ги фрлај во ѓубре, туку остави ги на безбедно место. А со своите дела (без разлика дали со клинови или без нив) секогаш можеш да се пофалиш на Инстаграм, каде што можеш да нè најдеш како @artmie.mk или на Фејсбук во групата Artmie пријатели на уметноста.

Ти посакуваме пријатно творење

Леа

.