Водич за материјали
Дали е потребно лакирање на сликите?
Не станува збор само за слики на платно, туку за сите ваши дела каде што сте користеле акрилна боја или маслена боја. Знаеме дека тоа е макотрпен процес, особено кога станува збор за сликање со масло на платно, кое мора да се суши најмалку 6 месеци пред нанесувањето на лакот...
Сепак, еве три причини зошто не треба да го прескокнете овој последен чекор во сликањето:
Интензитет на боите
Ако некогаш си имал можност да го следиш процесот на сликање, тогаш ти е јасно дека лакот им дава на боите ефект на „мокра слика“, со што се зголемува нивниот интензитет. Истовремено, ги истакнува разликите помеѓу нијансите, што му дава на делото уникатност, бидејќи разликите меѓу слоевите на боја стануваат поизразени.
Унифициран изглед
За време на сликањето, бојата ја разредуваме со различно количество вода или терпентин, а во зависност од тоа колку сме ја разредиле, таков ќе биде и нејзиниот сјај по сушењето... Затоа често се случува деловите на сликата да немаат ист сјај, или некои делови да бидат целосно мат. Лакот, меѓу другото, го изедначува сјајот. Или, ако избереш мат лак, на целата слика ќе ѝ даде унифициран мат изглед.
Заштита на сликата
Лакот е непропустлив слој кој ги спречува прашината и другите честички од воздухот да дојдат до слоевите на бојата и да се залепат на нив. Покрај тоа, лаковите отпорни на УВ зрачење ќе ја намалат можноста за избледување на боите со текот на времето. И дури и ако сликата по неколку децении пожолти, ако е лакирана, реставраторот ќе може да го отстрани стариот лак и да нанесе нов, со што ќе го врати првобитниот изглед на сликата.