Водич за материјали

Дали користиш шпатули при сликањето?

Сликарска шпатула, сликарски нож, шпатула за сликање… Како ги нарекуваш ти? Оваа алатка е задолжителен дел од опремата во секое ателје. Се состои од дрвена рачка и метален дел во различни форми. Освен за нанесување боја на платно и сликање, можеш да ја користиш и за отстранување на вишокот боја, создавање ефект на гребење на платното, вадење боја или медиум од тегла и слично.

Иако нема строга поделба како кај четките, шпатулите најчесто ги делиме според обликот на сечилото: тркалезни, рамни, коси или остри. Секој облик остава различен траг и му дава посебна димензија на твоето сликарско дело.

ARTMIE шпатули – Произведени во Италија од нерѓосувачки челик со дрвена рачка и во повеќе од 70 форми. Во новата серија на нашите ARTMIE шпатули, покрај основните форми што досега си ги видел на пазарот, ќе најдеш и многу нови, наменети како за сликари, така и за хоби ентузијасти.

Ако досега не си сликал со шпатула и не знаеш од каде да почнеш, ова е најчесто користениот универзален модел:

СОВЕТ: Шпатулите можеш да ги користиш и за маслена боја и за акрилна боја. Ако акрилната боја е премногу течна и не добиваш релјефна текстура бидејќи бојата се разлева по нанесувањето, пробај да додадеш во бојата акрилен гел медиум или акрилна паста.

СОВЕТ: По сликањето, чисти ги шпатулите така што ќе ја избришеш бојата од нив со крпа додека е уште свежа. Никогаш не оставај ги шпатулите неизмиени, бидејќи ако бојата на нив се исуши, ќе биде тешко подоцна да се отстрани, а слоевите од исушена боја на сечилото ја намалуваат неговата еластичност и прецизност.

УШТЕ ЕДЕН СОВЕТ: Биди внимателен! Не случајно ги нарекуваат „сликарски ножеви“. Некои шпатули мора да бидат остри за да бидат прецизни, затоа внимавај при работата со нив, бидејќи несмасно свртена шпатула и енергичен потег можат, на пример, да го оштетат платното.

Која ARTMIE шпатула ти падна во очи?