Техники на сликање
Што се акрилни структурни пасти и за што служат?
Акрилни...
Нивната основа е акрилен медиум, исто како и кај акрилните бои.
...структурни...
Наменети за создавање на различни структури и текстури на платно или други сликарски и хоби подлоги.
..пасти
Импасто техника на сликање - сликање со густа боја, каде што остануваат видливи траги од четка.
Кога се користат?
Кога со самата акрилна боја не можеш да го постигнеш посакуваниот релјеф, бидејќи акрилната боја се разлева и релјефот не е доволно висок. Кога сакаш специфична текстура која бара густа боја. Кога не ти пречи тоа што пастата ќе ја промени нијансата на акрилната боја во која е додадена (ако ти пречи, користи акрилни гелови, кои по сушењето се безбојни).
Како се користат?
Можат да се комбинираат со акрилни бои на кој било начин:
- можеш со четка или шпатула да нанесеш чиста паста, да почекаш да се исуши, а потоа да сликаш врз неа
- можеш да ја измешаш пастата со акрилна боја во кој било сооднос
Но, ако се комбинираат со други производи кои не се на акрилна база, треба да бидеш внимателен за да не дојде до пукање на слоевите. Кога не си сигурен, најдобро е да нанесеш чиста паста на подлогата и да ја обликуваш по желба, да почекаш да се исуши, а потоа врз неа можеш да сликаш дури и со маслени бои.
Хоби пасти
Покрај класичните бели пасти, постојат и пасти во боја, како и пасти со различни ефекти:
- Пасти со песок
- Снежни пасти
- Пасти за ефект на камен
- Експанд пасти (пасти што се шират)
- Виножито (Rainbow) пасти
- Фини пасти за работа со шаблони