Техники на сликање

Да се долови нежноста и сензуалноста на розата на платно не секогаш е лесно. Сепак, ние имаме неколку совети за тебе, благодарение на кои резултатот навистина ќе вреди. Многу уметници имаат слабост токму кон цвеќињата и розите. Уживате во сликањето цвеќе? Тогаш подготви си платно, четки и маслени бои и ајде заедно да започнеме :)

Позадина и скица

Започни со позадината, која ќе потсетува на листови и заматени растенија. За подлогата искористи сина и ладна зелена боја, а потоа додај неколку брзи потези со четката со топла зелена нијанса, кои ќе изгледаат како листови од роза.

Кога подлогата е готова, на ред доаѓа самата роза. Најпрво, со помош на референтна слика скицирај ја грубата композиција - уреди ги деталите и помалите форми. Важно е навреме да ја фатите структурата на розата. Засега слободно скицирајте ја како цилиндар и означете ги само најтемните сенки., за да си означиш како да продолжиш во следниот чекор и на што да се држиш. Нема потреба да се посветуваш на деталите.

Додај боја

Кога скицата ќе биде задоволителна, со помош на поголема четка исцртај го центарот на сликата. Потезите се смели, па дури и малку небрежни. Не плаши се да ги мешаш нијансите на маслените бои меѓу себе за да го постигнеш посакуваниот тон. Слободно во кармин црвената додај ултрамарин сина за истакнување на потемните места. Постепено со посветла црвена маслена боја исцртувај ги овие груби контури.

Забележи дека ова е најважната фаза од сликањето на розата - почетната диференцијација на големите маси со правилни нијанси на бои.

Потоа, спроти почетните потемни нијанси, додај некои живописни и посветли тонови. Внимателно додавај бела во црвената мешавина. По дефинирањето на тоновите и големите површини, започни да мешаш тонски варијации за да создадеш поголема длабочина. Новите тонови споредувај ги со претходните за да одржиш рамнотежа. Не заборавај дека розата има цилиндричен облик и според тоа на неа влијае и светлината што паѓа.

Со помош на најмалата четка истакни го центарот на розата. Бидејќи розата има кадифено мат површина, истакнувањето треба да биде меко.

Фокусирај се на рабовите на розата

Последната фаза од сликањето е проверка на рабовите. Сакаме "меките" рабови да се повлечат, а острите да излезат напред. При сликањето на блоковите со боја со голема четка, како што направи на почетокот, веројатно е дека ќе настанат многу тврди рабови. Со чиста четка (или со прст) омекни ги овие рабови на блоковите со боја. И меките и тврдите рабови играат голема улога во постигнувањето на силен визуелен ефект.

Ваквата рачно насликана слика на роза може да биде одличен личен подарок за 8-ми Март. Розата на платно никогаш нема да овене.

Ти посакувам пријатни моменти поминати во друштво на најспецијалните жени и најубавите насликани дела.

Со почит,

тимот на ARTMiE.