Техники на сликање
Како до оригинален божиќен ликовен труд
Создај со нас уникатна слика на дрвена подлога со божиќен дух. Навистина е едноставно. Што ќе ти биде потребно за ваква ефектна слика да го краси твојот ѕид?
Потребно ти е:
Молив
И покрај овие материјали, ќе ти требаат и вешти раце, желба за творење и малку фантазија. Ајде да почнеме!
Одбери омилен цитат.
За да останеме во темата, може да биде нешто поврзано со Божиќ или зимата. Не мора да биде на англиски, слободно избери текст на твојот мајчин јазик.
Совет: За сè да испадне според твоите замисли, добро е прво да направиш скица на хартија. Така полесно ќе го распоредиш текстот и ќе го испланираш стилот на пишување. Јас избрав тематски цитат и го исцртав во форма на елка.
Дрвената подлога
е одлична основа за уникатни уметнички дела
е одлична основа за уникатни уметнички дела. За вистински божиќен амбиент, обој ја позадината во интензивна црвена боја. Со дебела четка рамномерно обој ја целата површина. Не ги заборавај ниту страничните рабови.
Кога црвената боја целосно ќе се исуши, подготви златна акрилна боја, тенка четка и доза трпение. Но, пред тоа, можеш со молив да го исцрташ мотивот директно на подлогата. Така ќе видиш дали твојот дизајн одговара на крајната замисла.
А сега, да почнеме. Со златна боја насликај ги сите букви од цитатот. Ова бара малку повеќе прецизност, но крајниот резултат вреди за трудот.
Совет: Големината и дебелината на буквите прилагоди ги според големината на подлогата, за да не се случи твоето дело да изгледа премногу ситно.
Кога цитатот е готов според твоите желби, останува само да ја закачиш оваа елегантна божиќна слика на ѕид и да уживаш во својата вештина. Или...
Или дотерај го своето зимско-божиќно дело според сопствената фантазија. Јас измешав темна црвена боја и со тенка четка меѓу буквите насликав ситни снегулки. Нека им биде јасно на сите дека зимата е веќе тука.
Ви посакуваме пријатно творење и среќни празници!
Со поздрав,
твојот ARTMiE тим.