Техники на сликање

За да ти помогнеме, подготвивме водич кој ќе те научи како да сликаш фасцинантни цвеќиња со акварел. Колку подолго сликаме со акварелни бои, толку повеќе нè фасцинира интеракцијата помеѓу бојата и водата. Иако акварелот не е толку предвидлив или контролиран како другите методи на сликање, овој стил ја отелотворува енергијата и разиграноста на цветот. Затоа и денес ќе сликаме свежа пролетна слика. Покрај боите, не заборавај на квалитетна акварелна хартија и четки. Ајде, почнуваме!

1. Започни со основната форма на цветот

Денес ќе ја искористиме формата на „труба“. Лилјанот, ѕвончето, нарцисот или момината солза – сите овие прекрасни цвеќиња ја имаат токму оваа форма. Изгледаат како конус со проширен отвор.

Бидејќи овие цвеќиња во суштина се конуси, тие секогаш се засенчени кон внатре, освен ако не се свртени директно нагоре. Клучот за цртање и сликање на оваа цветна форма е да го имаш предвид централниот дел на конусот и местото каде што се поврзува со стеблото. Тоа ќе ти помогне да ја нацрташ формата од кој било агол.

2. Избери си акварелни бои и палета на бои

Откако ќе скицираш, извади ја палетата и пронајди ги боите што сакаш да ги користиш. Не мора строго да се држиш до реалноста. Слободно вклучи ја фантазијата и оживеј ја својата градина на хартија со живописни нијанси.

3. Најпрво започни со основните бои

При експресивното сликање сакаш да работиш со протокот на бојата и водата за да ја добиеш суштината на цветот, а не секој мал детаљ. На слика од овој вид обично правиме три слоја - првото нанесување е најбрзо и најлесно, само колку да се започне. Поизразените бои ќе ги оставиме главно во сенчестите области. Водата ќе ни помогне боите да се разлеат малку случајно. Тоа е она што е прекрасно кај акварелот!

4. Додај потемни премини

Во следната фаза, додај малку повеќе пигмент на четката и создај потемни нијанси за секоја област од цветот.

Овој премин ќе ти одземе најмногу време и размислување. Мораш да работиш доволно брзо, бидејќи тајмингот е сè кога се создава со акварелни бои. Ако акварелната хартија целосно се исуши пред да се вратиш со повеќе боја, ќе добиеш премногу остри рабови. Ако хартијата е премногу влажна кога се обидуваш да додадеш боја, боите ќе се разлеат поинаку отколку што би сакал.

Сепак, не секогаш може да се избегне тоа. Но, сите овие работи се дел од акварелот и токму тие ја прават оваа техника толку прекрасна и фасцинантна. Наместо да се обидуваш сè да контролираш, обиди се да работиш со водата и да користиш изразени потези со четката заедно со чувството.

5. Заврши ја својата акварелна слика без да ја преоптовариш

Последната фаза значи мало дотерување и завршување. И токму ова е моментот кога сè може да се искомплицира. Лесно е да се изгуби свежиот впечаток од сликата кога ќе претераш со деталите. Наместо тоа, обиди се оваа фаза да ја завршиш брзо и едноставно, и застани кога ќе почувствуваш дека си речиси готов!

Уживај во пролетната инспирација и дозволи си релаксирано творење со акварелни бои. Сликај свежи, разиграни цвеќиња и уживај во радоста од уметноста. Ние ти посакуваме бескрајна палета на идеи и многу фантазија.

Со почит,

твојот ARTMiE тим

.