Техники на сликање
Дали знаете за маслените бои што се разредуваат со вода?
Во последно време на пазарот се појавија бои кои ги имаат сите карактеристики на маслените бои, но можат да се разредуваат со вода. Неколку брендови ги нудат во својот асортиман.
Зошто се создадени?
- За сликари на кои им пречи мирисот на терпентин
- За оние на кои работата со разредувачи им изгледа комплицирана
- Поради едноставноста на самото сликање
- Но и поради полесно одржување на приборот за сликање
- За побрзо сушење.
Во што е нивната тајна?
Овие бои содржат специјални додатоци кои овозможуваат мешање на маслото со вода. Тие се сушат во две фази - прво испарува водата, а потоа се сушат преку оксидација како стандардните маслени бои. Колку повеќе вода додаваш во бојата, толку побрзо ќе се суши, но ќе добие и мат изглед (не грижи се, при сликањето на сликата сјајот ќе се врати). Ако сликаш со оваа боја без разредување со вода, слојот ќе се суши 1-3 дена.
Дали се потребни разредувачи?
Не се неопходни, но можат да се користат. Јасно е дека оваа боја можеш да ја користиш без разредување и додавање на било што друго. Можеш да ја разредуваш само со вода. Можеш да ја мешаш и со стандардни разредувачи за маслени бои, како што се терпентин, ленено масло или специјален медиум за овој тип на боја. Во секој случај, за миење на четките ти требаат само вода и сапун.
Можат ли да се комбинираат со класични маслени бои?
Да, можеш да ги користиш како обични маслени бои и да ги мешаш со нив, но во тој случај не смееш да користиш вода. Можеш да користиш стандардни маслени бои разредени со терпентин и ленено масло врз веќе исушени слоеви на бои измешани со вода.