Техники на сликање

Што е pouring техника?

pouring = прелевање

Тоа е техника при која создаваш слика со прелевање на различни нијанси на течни акрилни бои врз платно или друга подлога за сликање. Резултатот често е непредвидлив, но со вешто насочување на бојата можете да влијаете на финалните форми. Овие форми можат да бидат самостојно дело или основа за понатамошно досликување.

Подлога – Оваа техника можеш да ја користиш на сликарско платно, но и на картон или дрвена подлога.

Бои – Се користат исклучиво акрилни бои.

Медиуми – Потребен ти е и т.н. pouring медиум, со кој се мешаат боите за да станат течни и убаво да се прелеваат.

Сооднос – Најважниот чекор во оваа техника е да го погодиш правилниот сооднос на бојата и медиумот. Во зависност од производителот на медиумот, соодносот може да биде различен, а во помала мера зависи и од густината на акрилната боја што ја користиш:

Pentart медиум

1 дел боја : 1-2 дела медиум

Kreul медиум

1 дел боја : 2 дела медиум

Liquitex медиум

1 дел боја : 3-4 дела медиум

Силиконско масло

Силиконското масло не е неопходно за оваа техника, но можеш да додадеш 2-4 капки на 1 дл боја и медиум за да постигнеш ефект на кругови во прелеаната боја.

Кој медиум за pouring ви е омилен? Споделете ги вашите искуства во коментар.