Светот на уметноста и инспирација

Создавање уметност од стопено стакло и дрво: уникатната уметност на Слагерман и Фишман

Уметниците Скот Слагерман и Џим Фишман создаваат неверојатни предмети од стопено стакло и паднати дрвја. Заедно работат на апстрактни форми во кои комбинираат топло природно дрво со живописни проѕирни стаклени тонови. Во сите скулптури, остатокот од дрвото станува еден вид вазна за стаклото, кое совршено се вклопува во отворот во форма на буквата U. Изгледа како овие два материјали да се споиле сосема природно.

Слагерман и Фишман ја нарекуваат колекцијата Wood & Glass (Дрво и стакло), но но не дозволувајте едноставниот назив да ве залаже.. Оваа уметност бара големо знаење за обработка на дрво и дување стакло. Процесот започнува со скицирање на дрвото,, а потоа од него се сече средишниот дел во форма на буквата U. Подоцна, стопеното стакло се вдувува во празниот простор и ги следи неговите кривини.

Слагерман е специјализиран за производство на стакло и токму тој е еден од творците на овие блескави скулптури од стакло и дрво. Тој вели дека самата природа на стаклото е она што го привлекло пред многу години. "Ме фасцинира како стаклото се трансформира од кревка, но цврста состојба во стопена течност и назад," пишува тој, "и како оваа променлива материја може, преку процес кој е истовремено нежен и опасен, да создава објекти."

Се надеваме дека оваа приказна ве инспирираше. Вашиот тим на ARTMiE.