Светот на уметноста и инспирација

Прекрасни стаклени скулптури во стебла од дрвја

Уметниците Скот Слагерман и Џим Фишман создаваат прекрасни предмети од стопено стакло и паднати дрвја. Заедно работат на апстрактни форми во кои го комбинираат топлото природно дрво со живописни проѕирни стаклени тонови. Во сите скулптури, остатокот од дрвото станува еден вид вазна за стаклото, кое совршено се вклопува во процепот во форма на буквата U. Изгледа како овие два различни материјали природно да се споиле во природата.

Слагерман и Фишман ја нарекуваат колекцијата Wood & Glass (Дрво и стакло), но не дозволувајте едноставното име да ве залаже. Оваа уметност бара големо знаење за обработка на дрво и дување стакло. За да се создаде скулптурата, прво се исцртува нацрт врз дрвото, а потоа од него се отсекува средишниот дел во форма на буквата U. Подоцна, стопеното стакло се се влева во празниот простор и ги следи неговите кривини.

Слагерман е специјализиран за производство на стакло и токму тој е еден од творците на впечатливите скулптури од стакло и дрво. Тој вели дека самата природа на стаклото е она што го привлекло пред многу години. „Ме фасцинира како стаклото се трансформира од кревка, но необработена цврста состојба во стопена течност и назад“, пишува тој, „и како оваа променлива материја може, преку процес кој е истовремено нежен и опасен, да создава предмети.“

Уживајте во уметноста, Сабина од ARTMiE