Светот на уметноста и инспирација
Најпознатите дела на Пабло Пикасо
Ајде да се потсетиме на најзначајните дела на Пабло Пикасо. Во текот на својот долг живот, кој завршил во 1973 година на 91-годишна возраст, Пикасо насликал приближно 13.500 слики и создал речиси 100.000 графики и гравури. А зад некои од неговите дела се кријат навистина интересни приказни.
„Стариот гитарист“ 1903 г.
Сликата, која се наоѓа во Институтот за уметност во Чикаго, настанала во периодот 1903-04 година и спаѓа меѓу најтажните композиции во целата историја на сликарството.
„Момче со луле“ 1905 г.
Пикасо ја насликал оваа слика кратко по преселувањето во уметничката четврт на Париз – Монмартр, што тогаш предизвикало воодушевување кај неговите француски колеги, Дега и Тулуз-Лотрек. Иако уметничката критика не го вброила „Момчето со луле“ меѓу најдобрите дела на Пикасо, по продажбата за тогаш рекордни 104 милиони долари, оваа слика стана едно од најпознатите уметнички дела.
„Госпоѓиците од Авињон“ 1907 г.
Современиците на Пикасо ја сметале оваа слика за навреда за модерната уметност. Но, токму поради тоа, „Госпоѓиците од Авињон“ станаа едно од најпрепознатливите дела на Пикасо. Иако насловот на делото упатува на францускиот град Авињон, својата инспирација Пикасо ја пронашол во една четврт во Барселона, која во тоа време била позната како место за состанување на проститутки.
„Девојка пред огледало“ 1932 г.
Оваа слика е всушност студија на темата – што човек навистина гледа кога ќе се погледне себеси. Жената, која на левата страна од композицијата држи огледало, е насликана во посветла и пожива боја од нејзиниот одраз во огледалото, кој е многу потемен и изгледа како дури и да плаче.
„Герника“ 1937 г.
Делото од 1937 година, кое денес го краси Музејот на кралицата Софија во Мадрид, не е само најпознатото дело на Пикасо, туку и едно од најславните дела во историјата на уметноста. Ставено во контекст на шпанската граѓанска војна, ова дело го прикажува бомбардирањето на баскискиот град Герника во април 1937 година и воедно претставува злокобно пророштво за ужасите што ги донесе претстојната Втора светска војна.
Кое од овие дела на Пикасо најмногу ве фасцинира?
Изберете го ARTMiE во Google и нашите статии ќе се појавуваат почесто во Вашите резултати од пребарувањето.