Светот на уметноста и инспирација

Харвардскиот музеј на уметноста ја поседува најголемата колекција на пигменти во светот.

Индиска жолта

За најголемо богатство во оваа колекција се смета индиската жолта боја, која денес веќе не е достапна и која, верувале или не, се правела од урина на крави хранети со листови од манго. Овој пигмент се користел во Индија со векови, но неговото производство било запрено бидејќи претставувало опасност за здравјето на кравите. Меѓу 2 500 примероци на пигменти има и такви кои долго време не се користеле, а денес веќе и не можат да се најдат...

Ултрамарин сина

Била исклучително популарна во 14. век и се добивала со мелење на каменот лазурит. Овој пигмент масовно се користел на сите големи средновековни слики, иако неговата цена тогаш била четири пати повисока од цената на златото. Некои пигменти се дури и забранети поради својата штетност или начинот на производство!

Мумија кафеава

Секако најинтересниот експонат во оваа колекција е тубата со нијансата „мумија кафеава“. Оваа боја, омилена кај прерафаелитите, ја добивале со мешање на миризлива смола и ситно сомелени остатоци од човечки мумии или нивните мумифицирани домашни миленици, пронајдени во египетските пирамиди. Денес боите се произведуваат од безбедни пигменти
и големо внимание се посветува на нивната безбедност.

Смарагдно зелена

Основната смарагдно зелена боја на една од сликите на Ван Гог можела да биде штетна за здравјето на уметникот, бидејќи прашокот од кој се правела бојата бил многу токсичен. Пигментот, се разбира, бил повлечен од продажба кога се покажало дека неговите испарувања се смртоносни.

Ве изненадија овие факти? Споделете со нас ако знаете некоја друга интересна приказна за пигментите.