Светот на уметноста и инспирација

За да се опкружиш со оваа пријатна боја, не мора веднаш да купуваш скапи фигури или декорации. Позабавниот пат, чиј резултат ќе биде токму онаков како што си замислил, води преку упатства и совети со кои од секој обичен предмет околу себе можеш да создадеш интересен златен додаток.

Работите од нашето секојдневие…

Нејзиниот сјај потсетува на топлите сончеви зраци кои нежно ти го милуваат лицето додека шеташ по плажа... Па зошто да не го започнуваш секое утро со златна боја, за да се расположиш пред работа? Доволен е само мал отсјај на чинијата или нежен натпис на шолјата со твоето омилено кафе (или чај). Со користење на маркери за стакло и порцелан едноставно и рачно ќе си создадеш оригинална шолја или чинија со натпис по твоја желба.

Фото: Kreul.de

Рачно изработениот накит е многу популарен во последно време. Златната боја е многу интересен елемент при неговото создавање. Но, ако сакаш да се издвоиш од толпата, можеш да вметнеш златни додатоци во својот изглед со помош на необична техника. На пример, со користење на бамбусов конец и техниката макраме, при што можеш да добиеш вакви интересни обетки:

Фото: Cchobby.com

Злато дома, злато во срцето

При декорирањето на твојот дом, златните елементи можеш да ги искористиш навистина секаде. Ако поседуваш бела масивна рамка за слика, можеш на неа со користење на течен метал да создадеш златни отсјаи кои дискретно ќе ја истакнат уникатноста на сликата. Течниот метал можеш да го искористиш и при декорирање на мебел и со него да ги премачкаш, на пример, ногарките на античка маса.

Фото: Kreul.de

Златната боја искористи ја и кај „пообичните рамки“, каде украсувањето е малку поголем предизвик. Можеш да го искористиш веќе споменатиот течен метал или да пробаш нешто друго. Залепи на рамката, на пример, златни ливчиња - доволно е малку трпение и резултатот ќе биде волшебен. Металните ливчиња се нанесуваат на површина премачкана со лепак и на крајот се фиксираат со лак.

Фото: Kreul.de
Во создавањето со златни елементи можеш да ги вклучиш и најмалите. Тие ќе бидат воодушевени од златните отсјаи многу повеќе од нас, возрасните. Ова е одлична можност да ги вклучите децата во креативен процес, истовремено учејќи ги на важноста од рециклирањето и одржливоста. А тоа со помош на хартија од вештачка кожа, која е погодна за обработка и декорирање на најразлични начини. Оваа крафт хартија можеш да ја сечеш, шиеш, па дури и да ја переш... Од неа можат да се создадат и вакви прекрасни срциња:

Фото: Cchobby.com

Планирај и создавај во златно!

Наш совет за сите што сакаат да ги организираат своите обврски со стил: Користењето на златни маркери и фломастери понекогаш едноставно не е доволно... И токму на овие типови луѓе им требаат мултифункционални планери во најсјајната боја. Сега тие златни додатоци постојано ќе ти се совпаѓаат.

Фото: Cchobby.com

Златната боја не е само блескава, туку со себе носи и добро расположение како сончевите зраци, допир на луксуз од замоците и историја за која не би ни биле доволни ниту четири блога... Без разлика дали си обожавател на златната боја или ја носиш во длабочината на својата душа, среќни сме што и ти си дел од нашето ARTMIE семејство.

Време е за креативност!

Леа