DIY и креативни проекти
Заблескајте на забавата за Ноќта на вештерките со боите за лице Snazaroo
Иако овие бои првенствено се наменети за деца, во рацете на вештите уметници тие можат да се претворат во алатка со која ќе постигнеш професионално шминкање, а твојата маска ќе биде главна тема на секоја забава.
Па, како со помош на неколку основни бои да се претвориш во самовила, принцеза, чудовиште или зомби?
Следните упатства ќе ти покажат како да го направиш тоа.
Цветна самовила
Чекор 1:
Направи основна шминка на очите. На дел од лицето исцртај едноставен мотив на цвеќиња.
Чекор 2:
Обој ги цвеќињата, притоа не заборавајќи на фините детали и просторот помеѓу поединечните растенија.
Чекор 3:
Додај перика. Алтернативно, ако немаш перика, доволно е да ја посипеш косата со светки кои ќе создадат магичен ефект.
Страшна тиква
Чекор 1:
Обој ги лицето и пределот на вратот во портокалова боја.
Чекор 2:
Со црна боја исцртај вертикални линии по лицето - наборите на тиквата. Околу усните со црна боја создај впечаток на уста издлабена во тиква.
Чекор 3:
Размати ги поединечните црни вертикални ленти. На преостанатата портокалова површина исцртај мноштво ситни вертикални линии со црна и жолта боја.
Злиот Гринч
Чекор 1:
Обој ги лицето и пределот на вратот со зелена боја.
Чекор 2:
Истакни ги веѓите со црна боја. Во пределот на носот и образите додај хоризонтални линии користејќи црна и бела боја.
Чекор 3:
Исцртај ја муцката и брчките помеѓу веѓите. Истакни ја долната усна со впечатлива розова боја. На крајот додај перика и новогодишна капа и Гринч е подготвен!
Снешко
Чекор 1:
Обој ги лицето и пределот на вратот со бела боја.
Чекор 2:
Со помош на портокалова боја создај контура на морков на носот. Во пределот на усните и образите со црна боја нацртај топчиња, кои потоа ќе послужат како уста на снешкото.
Чекор 3:
Со бела боја создај детали на морковот, а на црните јагленчиња додај впечаток на заоблен предмет со додавање на бела линија во горниот агол.
На крајот, додај црвено шалче и бела перика, кои ќе го комплетираат целосниот изглед на маската.
А сега, кога веќе имаш сè што ти е потребно, само земи ги боите и тргни во создавање на својата маска од соништата за Ноќта на вештерките. Со среќа!
Фотографии: Snazaroo.com