DIY и креативни проекти

декупаж
од францускиот збор découper – сече, отсекува

Декупаж е хоби техника при која едноставно сечеме салфетки, оризова хартија со принт или слични видови тенка хартија, кои потоа ги лепиме на подлогата што сакаме да ја украсиме.

Оваа техника, покрај салфетките и лепилото, вклучува и употреба на:
- акрилна боја
- пасти со специјални ефекти
- лакови кои создаваат пукнатини и даваат антички изглед
- ситни додатоци кои на крајот можат да се залепат, како што се: пердуви,
бисери, светки
- дури и доработка на одредени детали...

Подлога

Декупаж можеме да изведуваме на различни подлоги:
- дрво
- пластика
- стакло
- метал
- керамика
- дури и на текстил...

Но, секоја од овие подлоги бара подготовка!
Најважно е предметите да бидат чисти и суви, без прашина, нечистотија и маснотии (исчистени со алкохол), текстилот треба да се испере и исуши без омекнувач. Не заборавајте на основниот премаз, односно гесо – акрилен производ во бела боја, кој се нанесува на подлогата пред сликањето.

Акрилни бои и лепило

Со акрилна боја се бои предметот на кој ќе се лепат салфетките, иако салфетките можеш да ги залепиш и директно на предметот ако е со светла боја. Како лепило се користи специјален вид лепило за декупаж, кое по сушењето е целосно проѕирно, што е важно бидејќи самите салфетки се проѕирни и многу нежни. Дури и откако ќе ги залепиш салфетките и ќе се исуши лепилото, можеш со акрилни бои да ги доработиш деталите или да ги маскираш преодите и рабовите.

Финален лак

За да ги заштитите вашите декупаж креации, особено оние што секојдневно ги користите, неопходно е да нанесете финален слој лак. Понекогаш, покрај производите на база на акрил, се користат и производи како восочни пасти или производи на база на растворувачи, затоа треба да размислиш каков финален лак ќе користиш:
- акрилен лак за дела изработени само со акрилни производи
- лак на база на растворувачи за дела изработени на различни подлоги

Споделете со нас во коментар, кој е вашиот омилен проект изработен со декупаж техника?