DIY и креативни проекти

Фото: Cchobby.com

Првиот чекор во изработката на восочни крпи или кесички за храна е изборот на соодветен материјал. Најдобар избор е стопроцентен памук, кој сигурно ќе го најдеш во најразлични дезени. Ние избиравме од ткаенини за пачворк, кои имаат соодветна големина и разновидни мотиви во боја.

Од ткаенината можеш да исечеш потребни големини и форми на крпи. На пример, ако знаеш дека со неа ќе покриваш чинија, исечи малку поголем облик, за крпата да можеш да ја свиткаш преку рабовите. Ако при сечењето користиш назабени ножици, ткаенината помалку ќе се пара по рабовите.

Што се однесува до восокот, секако посегни по цврста форма, наместо по листови. Ако планираш да изработуваш крпи само за себе, ќе ти биде доволен овој пчелин восок. За поголеми или повеќе парчиња ткаенина, препорачуваме поголема количина восок.

Совет: Еколошката кесичка за храна може да биде интересен подарок за блиските.

ПОСТАПКА НА ИЗРАБОТКА:

Испраната ткаенина, која сме ја исекле според потребите, ја поставуваме на хартија за печење. Пчелиниот восок го рендаме со помош на ренде. Рамномерно ја посипуваме површината на ткаенината и ја покриваме со хартија за печење. Пеглата ја поставуваме на средна температура и полека поминуваме преку хартијата, сè додека стопениот восок не ја покрие целата површина на ткаенината. Хартијата за печење полека ја отстрануваме и восочната крпа ја оставаме да се исуши на воздух околу 30 минути. По ова време, таа е подготвена за употреба.

Приложуваме и едноставно фото-упатство:

Фотографии: Cchobby.com

Магијата на восочните обвивки е во тоа што можеш да ги користиш постојано одново како обвивки за храна, капаци за тегли или тенџериња. Во нив можеш да завиткаш секаков вид храна освен месо и риба, дури и лебот во восочна крпа ќе ти остане свеж подолго време. Нивната површина се чисти едноставно со помош на влажна крпа и благ сапун. Покрај тоа, ако обвивката се истроши, доволно е на тоа место да изрендаш нов слој восок и слободно да продолжиш со нејзиното користење.

ДА ПОВТОРИМЕ ШТО КОРИСТЕВМЕ ЗА ИЗРАБОТКА НА ВОСОЧНИ КРПИ:

- ткаенина од стопроцентен памук - ќе најдеш и ТУКА
- природен пчелин восок - ќе најдеш и ТУКА
- назабени ножици - ќе најдеш и ТУКА
- хартија за печење
- пегла

Фото: Cchobby.com

Сега, кога веќе ја знаеш постапката и сите потребни алатки, создавањето на сопствени еколошки и повеќекратни восочни крпи или обвивки за храна ќе биде лесно како игра. И ние ќе бидеме среќни ако го фотографираш својот производ и нè означиш на социјалните мрежи.

Уживај во креирањето!