DIY и креативни проекти
Направи сам: Велигденско јајце со изненадување
За почеток ти е потребно картонско јајце, кое е изработено со помош на папие-маше техника. Ова јајце е идеална основа за разни декорации со кои ќе го разубавите домот.
Во првиот чекор ќе го обоиме јајцето. Можеш да ја искористиш еколошката боја Nature Kreul, која е пријателска кон природата.
Фото: Cchobby.com
Бидејќи јајцето го украсуваме со помош на фолија, претходно ќе го подготвиме со нанесување на лепак за декупаж. Ќе подготвиме металик и трансфер фолии, со чија помош ќе го украсуваме јајцето. Од проѕирниот дел ќе го исечеме дизајнот што ни се допаѓа и ќе го отстраниме заштитниот слој.
Фото: Cchobby.com
Со помош на стапче или тврда алатка ќе го пренесеме мотивот на работ од велигденското јајце.
Фото: Cchobby.com
Сега ќе го отстраниме горниот дел од фолијата.
Совет: Ако се сомневаш дали постапуваш правилно, на задната страна од пакувањето на металик фолијата има прецизно и едноставно фото-упатство. :)
Фото: Cchobby.com
Полека приложи ја фолијата на работ од јајцето и добро притисни со стапчето. Внимателно повлечи ја фолијата надолу. Ако си постапил правилно, делови од фолијата треба да останат на работ од јајцето.
Фото: Cchobby.com
Велигденското јајце можеш да го украсиш на навистина различни начини. Без разлика дали ќе го оставите еднобојно или ќе го поделите на делови, секогаш можете да додадете детали со фолија. При сликањето можеш да си помогнеш и со сликарска лента.
Фото: Cchobby.com
Кога веќе го имаме целото јајце украсено, доволно е да земеш неколку слатки, да ги ставиш внатре и велигденското јајце да го поставиш на своето место.
Фото: Cchobby.com
Се надеваме дека ќе уживаш во украсувањето исто толку колку и во она што ќе го скриеш внатре.
Се гледаме при следното творење!
Леа