DIY и креативни проекти
Направи сам: Велигденски јајца со светки
Одамна помина времето кога меѓу велигденските декорации наоѓавме само јајца украсени со восок. Денес се достапни многу алатки, украси и техники од кои можеш да црпиш инспирација додека создаваш. А бидејќи сакаме да додадеме нешто ново во твојата ризница со идеи, денес ти носиме украсување на велигденски јајца со помош на светки!
Фото: Cchobby.com
На почетокот беше јајцето... или кокошката? Па, ова прашање ќе им го оставиме на експертите, а ние ќе се посветиме на јајцето кое ни е потребно за творење. Секако, можеш да избереш природно, но ние повеќе сакаме да посегнеме по дрвено, со кое не мораш да постапуваш премногу внимателно. Лесно се работи и со стиропорно јајце или јајце прицврстено на стапче - него можеш веднаш по украсувањето да го вметнеш во саксија покрај цвеќињата. :)
Фото: Cchobby.com
За почеток, на јајцето можеш да означиш до каде ќе допира бојата. За ова препорачуваме да користиш маскирна лента, која можеш безбедно да ја отстраниш откако ќе го обоиш јајцето. (Секако, можеш да го обоиш и целото јајце, а со светки и снегулки да украсиш само одреден дел.)
Фото: Cchobby.com
Од почит кон природата, се трудиме да создаваме поеколошки - затоа за украсување ги избравме боите Nature Kreul, кои се еколошки и пријателски настроени кон животната средина.
Фото: Cchobby.com
Откако бојата ќе се исуши, ќе работиме со лепак за декупаж. Доволно е да го нанесеш на избраната површина. Ти препорачуваме да ги истуриш снегулките на хартија, од каде што можеш да ги земаш една по една. На крајот, светките можеш повторно да ги премачкаш со лепак.
Фото: Cchobby.com
Убавината на оваа декорација не лежи само во нејзината едноставност, туку и во можностите и комбинациите на бои што можеш да ги создадеш на јајцата. Исто така, можеш да избереш и метални снегулки, кои на велигденските јајца ќе им дадат интересен изглед.
Фото: Cchobby.com
Се надеваме дека штотуку го разбудивме твојот креативен дух, кој ќе те води низ многу креативни моменти. Не заборавај дека своите дела можеш да ни ги покажеш и во нашата Фејсбук група, каде што ќе ги израдуваш не само нас, туку и илјадници љубители на уметноста.
Леа