DIY и креативни проекти
Направи сам: Цвеќиња од креп-хартија
Хартиени цвеќиња како декорација
Хартиените цвеќиња се одличен украс за секој дом – ставете ги во вазна или на полица и внесете малку свежина во просторот. Но, доста со цветните описи, ајде да се фатиме за работа…
Како што веќе знаеш, најважниот дел од нашето творење ќе биде креп хартијата. На нашата страница ќе најдеш повеќе видови и бои, а изборот го оставаме на тебе. :)
Фото: Cchobby.com
За изработка на цвет ни е потребно:
- стиропорна топка
- креп хартија во боја
- жица (долга 30 см)
- ножици
- лепак или пиштол за топло лепење
За почеток, од креп хартијата ќе исечеме: 4 x ливчиња во боја, 1 x лента за прашници (жолта на сликата), 1 x зелен овал за обвиткување на топката, мала ѕвездичка (може да има 8 краци - како на сликата) и зелена лента долга 30 см.
Фото: Cchobby.com
Откако ќе ги исечеш сите делови, земи ја стиропорната топка и набоди ја на крајот од жицата. Овалот од креп хартија растегни го така што ќе создаде прстен, кој ќе го залепиш на топката. На неговиот врв, точно спроти стеблото, со помош на лепак залепи ја ѕвездичката.
Фото: Cchobby.com
За да создадеш прашници, потребна ти е кратка лента која од едната страна ќе ја исецкаш. Долниот дел залепи го околу стеблото под топката.
Совет: При работата можеш да користиш лепак или пиштол за топло лепење, кој понекогаш е многу покорисен.
Фото: Cchobby.com
На подлогата исечкај ситни делови од креп хартијата, кои ќе ги искористиш за украсување на прашниците.
Фото: Cchobby.com
Толчниците (жолти на сликата) прво натопи ги во лепак, а потоа притисни ги во исечканото купче хартија сè додека на краевите не се залепи потребната количина хартија.
Фото: Cchobby.com
Исечените ливчиња од креп хартија свиткај ги така што ќе создадеш набори (како хармоника).
Совет: По наборите можеш да поминеш поцврсто за да ја задржат формата.
Фото: Cchobby.com
Во средината растегни го ливчето за да добие испакната форма.
Совет: Креп хартијата можеш лесно да ја обликуваш со раце (како на сликата).
Фото: Cchobby.com
Следниот чекор во изработката на цвеќиња од креп хартија е лепење на поединечните ливчиња за остатокот од цветот. Во оваа фаза, наместо лепак, користевме пиштол за топло лепење, кој се суши побрзо.
Фото: Cchobby.com
На крајот, ја користиме долгата зелена лента што ја исековме на почетокот. Со неа прво ја обвиткуваме долната страна на цветната главица, на местото каде што почнуваат ливчињата. Потоа продолжуваме надолу и го обвиткуваме стеблото сè до крајот.
Фото: Cchobby.com
И тоа е тоа! Првото хартиено цвеќе е готово! Сега ти останува да направиш уште неколку, за да не биде само во вазната. А финалната декорација може да изгледа вака:
Фото: Cchobby.com
Изработката на хартиени цвеќиња е едноставна активност во која со радост можеш да ги вклучиш и најмладите членови на семејството. Сигурни сме дека ќе уживате во крајниот резултат.
Ви посакуваме пријатна работа!
Lea