DIY и креативни проекти

Кога надвор е студено, а Божиќ е пред врата, се трудиме нашиот дом да го претвориме во место кое зрачи со топлина и празнична атмосфера. Елегантен свеќник, необична декоративна чинија, порцелански сет или чаши се идеални додатоци кои сега можеш да ги украсиш сама, брзо и едноставно!

Кои се овогодинешните трендови во сликањето на стакло?

Оваа година твојата празнична трпеза може да биде уште пооригинална. Време е за сјајни метални бои кои ги прекриваат длабоките мат тонови или проѕирни стаклени површини. Време е за празнични мотиви создадени со неверојатни бои за стакло и порцелан. Лесни се за употреба – потребно е малку за да создадеш прекрасни нешта. Еве неколку идеи како да започнете.

Металик е во тренд

Ефектот ќе биде уште подобар ако комбинирате мат и металик нијанси. Ти препорачувам бои кои по сушењето остануваат прекрасно мат или металик, изборот е твој. Можеш да ги нанесуваш со која било четка, најдобро со нежна, брзо се сушат, одлично покриваат и во комбинација со други нијанси се фантастични!

Како да ги фиксираш боите на стакло и порцелан?

Боите по печењето во рерна се отпорни на миење во машина за садови и содржат најмалку 60% одржливи суровини од природно потекло. Истото KREUL го гарантира и за сите свои производи, кои можеш да ги погледнеш тука.

Неколку добри совети за твоите празнични креации да бидат совршени:

Ако треба да ја разредиш бојата за порцелан, користи медиум за разредување на бои за порцелан и стакло. Со тоа значително ќе ја продолжиш трајноста на боите по печењето.

Сè додека не ги испечеш насликаните декорации, сликата можеш да ја измиеш со вода.

За печење на боите, стави го насликаниот предмет во ладна рерна. Откако ќе достигне температура од 160°C, печи 90 минути. По исклучувањето, остави ги декорациите од стакло и порцелан постепено да се изладат во рерната.

Четката

по употреба лесно се мие со вода и сапун.

Боите не се наменети за предмети за секојдневна употреба, како чинии и шолји кои доаѓаат во контакт со храна, затоа избегнувај ги рабовите на шолјата, внатрешноста на чинијата и слично.

Ти посакувам прекрасни и креативни празници и во новата година многу креативни идеи!

Ингрид