DIY и креативни проекти
Како да започнете со скрапбукинг
Фото: Artmie.mk
Што е тоа scrapbooking?
Ниту ние не би претпоставиле дека историјата на оваа техника датира уште од 15-тиот век. Но, така е. Во текот на овој период, scrapbooking-от се обликувал и менувал сè до денешната форма. И иако започнал како начин на дополнување на обични книги со приватни белешки, постепено прераснал во начин на творење и креативно изразување во дневници, тетратки или албуми.
Можно е секој од нас да замислува нешто различно под поимот scrapbooking. Некој во оваа техника гледа само лепење фотографии и исечоци, додека други очекуваат место полно со налепници, декоративни ленти, печати и калиграфија. Најпребирливите ќе замислат рачно изработена тетратка или дневник, полн со страници од различни материјали, картички, налепници - едноставно нешто со многу простор за креативна самореализација.
Сите овие начини се правилни, бидејќи техниката на scrapbooking во себе крие огромен свет на можности, творење и креативност.
Фото: Artmie.mk
Како да започнеш со scrapbooking?
За почеток ти треба дневник, тетратка или албум на кој ќе го применуваш своето креативно творење. Можеш да си создадеш и сопствена тетратка (оваа можност ќе ја разгледаме некој друг пат :) ), но ние решивме да користиме блок за скицирање Art Creation, кој има тврд повез и дебели страници.
Дали пред почетокот на творењето ќе се инспирираш од нашите фотографии, идеи на интернет, или ќе црпиш од сопствената фантазија, зависи само од тебе. Ние пред творењето направивме мало патување во длабоките води на интернетот и најдовме неколку интересни шеми кои ги комбиниравме со нашите замисли.
Интересна предност кај scrapbooking-от е тоа што можеш да слојуваш поединечни елементи еден врз друг и така да создаваш сопствени дезени и мотиви. Ние посегнавме по креативен сет за scrapbooking, од кој откинавме дел од страницата и ја искористивме како подлога за нашата воведна страница. Голема улога при декорирањето одиграа и металик маркери и washi ленти со цветни мотиви.
Фото: Artmie.mk
Како до креативен time management…
Scrapbooking-от е одлична алатка за твојот time management да не стане здодевно заокружување и штиклирање задачи. Со помош на неколку едноставни чекори можеш да си создадеш сопствен календар со потребните колони, точки или задачи, скроени точно по твоја мерка.
Што се однесува до пишувањето и калиграфијата, можеш да избереш што најмногу сакаш да користиш - пенкала, боички, фломастери, па дури и четки, се добредојдени во оваа техника. Ние при творењето на мајскиот календар се свртевме кон сетот пенкала од марката Sakura, со кои ни е најудобно да работиме.
Предноста на блокот за скицирање е што за секој месец можеш да избереш онолку страници колку што ти требаат. Така можеш да си создадеш сопствено место за to-do листи, списоци, задачи или обврски кои треба да ги исполниш во дадениот месец. Само од тебе зависи дали на една страница ќе испланираш недела, две, или само задачи за одредена пригода (како што направивме и ние) - сè зависи од твојата фантазија и креативност.
Користењето само на одредени бои или нијанси може да биде исто така интересна изведба на оваа техника. Ние се обидовме да се држиме до светлорозови тонови, кои припаѓаат на бојата на месецот. Сите картички, налепници и печати што ги користевме при творењето, лесно ќе ги најдеш во нашата секција Scrapbooking.
Фото: Artmie.mk
Разновидноста на поединечните блокови за творење погледни ја во нашето видео:
Скрапбукинг е техника во која буквално можеш да си дадеш слобода на креативноста. Без разлика дали сакаш сечење, декорирање, сликање, лепење или други начини на аплицирање материјали на подлога, сигурно во оваа поплава од креативност ќе го најдеш она што ќе го обожаваш.
А оваа бесконечна низа на бои, производи и забавно творење чека само на тоа да го земеш во раце својот прв „празен“ албум.
Па, ајде да почнеме заедно!
Леа