DIY и креативни проекти

Инспирација за насликани тикви - идеи за креативен Хелоуин

Дали годинава имаш многу тикви и не знаеш што да правиш со нив? Резбањето тикви ти се чини премногу тешко или опасно? Не се откажувај. Имаме интересна алтернатива за тебе: насликани тикви! Ќе ти покажеме како да ги украсиш со техниката зентангл (zentangle). Со оваа техника можеш да ги украсиш и тиквите што веќе ги имаш дома подолго време, а ти се чинат премногу едноставни и сакаш да им додадеш малку уметничка магија.

Зентангл техника за релаксација

Зентангл е уметност и техника за релаксација во исто време. Се состои од цртање на повторувачки шаблони и структури. Тоа е едноставен и медитативен начин да ја развиеш својата креативност, додека си дозволуваш момент на мир и одмор. Овој стил е лесен за совладување, без разлика дали си почетник или искусен уметник.

Што е тангл? Тангл е името за едноставен шаблон кој е основа на техниката Зентангл. Секој од овие шаблони е бесконечно повторлив и може да се комбинира со други тангли за да се создаде покомплексна слика.

5 совети за Зентангл шаблони

Ако си почетник во техниката Зентангл, еве 5 совети за шаблони што можеш да ги испробаш:

Спирали: Цртај едноставни спирали со различни големини и насоки. Експериментирај со нивното преплетување и слоевитост.

Цвеќиња: Создади цвеќиња со помош на едноставни линии и кривини. Пробај варијации со различни типови на ливчиња.

Бранови и струи: Поиграј си со брановидни линии и струи, кои можат да создадат елегантен и течен ефект.

Геометриски форми: Експериментирај со геометриски форми како кругови, квадрати и триаголници, и истражувај како можеш да ги комбинираш и преклопуваш.

Природни форми: Обиди се да црташ форми како лисја, капки вода или облаци, и набљудувај како се поврзуваат и создаваат уникатни композиции.

Техниката Зентангл не е само забавен начин да го поминеш времето, туку и ефикасно средство за намалување на стресот и поттикнување на позитивно размислување.

Материјали што ќе ти бидат потребни

- Тикви со различни големини и форми (вештачки или природни)

- Акрилни бои (со мат или сјаен ефект, класични или во спреј, или акрилни маркери)

- Пенкала Sakura во различни дебелини и бои

- Четки, главно четка за детали

- Весници или друг материјал за заштита на работната површина

Упатство за сликање тикви со техниката зентангл

Подготовка на површината

- Измиј ја тиквата и остави ја целосно да се исуши. Ако користиш вештачка тиква како основа, исчисти ја површината од евентуална маснотија.

- Покриј ја работната површина за да избегнеш евентуално валкање и подготви ги сите алатки. Релаксацијата може да започне. :)

Чекор по чекор

- Започни со тоа што на тиквата ќе нацрташ основни контури, на пример со помош на Sakura пенкало.

- Пополни ги контурите со различни зентангл шаблони.

- Ако сакаш, можеш да користиш различни бои или нијанси за да создадеш контрасти.

Завршни допири

- Додај акрилни бои за повеќе ефекти.

- За модерен изглед пробај бисерни или металик акрилни бои.

- Остави го делото да се исуши.

Други идеи

- Ако сакаш уште повеќе да се опуштиш при создавањето, можеш да користиш неонски акрилни бои.

- Кога веќе создаваме тикви за Хелоуин, предлагаме да им дадеме и страшна нота во вид на фосфорни акрилни бои за сјаен ефект во темница.

- Обиди се да комбинираш различни типови на бои и техники.

- Барај инспирација насекаде. Можеби имаш омилен шаблон што се повторува, а кој одамна сакаш да го испробаш. Народните мотиви и орнаменти исто така можат да бидат одлична инспирација.

- Можеш да си создадеш дури и 3D шаблон.

Сликањето тикви е одличен начин да се опуштиш и да создадеш уникатна декорација. Пушти си музика и препушти се на креативноста! Како ќе изгледаат твоите тикви?

Придружи ни се!

За повеќе инспирација и совети, следи нè на социјалните мрежи и не заборавај да ги споделиш своите креации. Сподели ги твоите тикви со нас на социјалните мрежи – едвај чекаме да ги видиме!

Ти посакуваме пријатно сликање и весел Хелоуин!