DIY и креативни проекти
Како да направите декорации за Ноќта на вештерките
И ние си зедовме неколку парчиња од бабината градина, кои ќе го красат нашето есенско катче. А сега, во неколку чекори, ќе ти покажеме како од нив да создадеш забавни декорации – брзо и едноставно.
Чекор 1: При изборот на тиква, многумина се фокусираат на совршенството на надворешната површина. Ние ја избравме оваа „несовршена“ токму поради нејзиниот несекојдневен изглед. Пред да почнеш со работа, не заборавај да ја исчистиш тиквата од нечистотиите од градината – од земја, лисја и слично.
Чекор 2: Ако користиш шаблон, отцртај го на тиквата. Ние избравме едноставна слика, која ја исцртавме директно со молив на површината.
Чекор 3
Започни со резбањето кај дршката. Со отсекување на горниот отвор ќе добиеш доволно простор за да ја исчистиш внатрешноста. Можеш да си помогнеш со лажица.
Совет: Не заборавај дека семките можеш да ги искористиш за понатамошно творење или во кујната.
Чекор 4: Работи внимателно. Најважно е да избереш соодветен нож со остар врв.
Чекор 5: При резбањето внимавај да не притискаш премногу на тиквата, бидејќи може да се скрши. Потребно е само малку нежност и трпение, и наскоро ќе го добиеш посакуваниот резултат.
И така тиквата си одмараше во нашето есенско катче.
Совет: При сечењето на горниот отвор, внимавај аголот на сечење да биде паралелен со подлогата. Така ќе избегнеш можност капакот да ти пропадне внатре во тиквата.
Ако ги резбаш тиквите со деца, можеш да избереш и ваква весела варијанта, од која сигурно нема да се плашат.
Само од тебе зависи дали во тиквата ќе ставиш свеќа или не. Ние пробавме со класична, но на долг рок повеќе ти се исплати електрична, која не мора постојано да ја контролираш – ниту да се плашиш од незгоди.
Од резбањето тикви или есенското творење можеш да направиш одлична забава и да го вклучиш целото семејство. Но, запомни дека никој не се родил како мајстор. Не плаши се да експериментираш, пробувај, создавај и не се плаши од неуспех! – понекогаш и од неуспешен обид може да настане оригинален уметнички предмет, на кој сите ќе му се восхитуваат.
Па, на работа, пријатели!
Леа