Цртање и илустрација

Уметност во движење

Луѓе кои работат, си играат или се одмараат. Огромни пазари, градски превоз, кафулиња, музеи, џез клубови, улични уметници. Во цртањето на отворено не постојат граници ниту исцрпливи лимити.

А ако не живееш во близина на некоја голема метропола, не грижи се. Всушност, не постои никакво правило за тоа што е, а што не е урбано скицирање. Секој град, метропола, па дури и село има свои архитектонски скапоцености, интересни места или едноставно згради опкружени со луѓе.

13 совети за скицирање на терен

Ти пренесувам 13 совети за стекнување искуство со скицирање на градски делови. Сакаш да го поминеш времето продуктивно и пред сè да се забавуваш? Тогаш земи го својот скицник и излези надвор!

Едноставност

Молив или пенкало, дневник или скицник и мала палета акварели – совршен избор за секој уметник. Со текот на времето ќе откриеш што најмногу ти одговара. Затоа, не плаши се да ги менуваш техниките или алатките и откриј со што најдобро ти оди работата.

Еве ги нашите препораки за алатки што ќе ти бидат потребни:

Професионална палета акварелни бои Winsor&Newton Field Box. Ти се собира во џеб. Буквално.

Блок од француски хартија за акварел ARCHES, кој одолева на сите временски услови

Пенкала со врвно архивско мастило - SAKURA Pigma Micron

Акварелен помошник во форма на маркер од германскиот бренд Aqua Solo Goya

Познатите акварелни бои White Nights, омилени кај мајсторите

Биди секогаш подготвен

Излегуваш надвор или патуваш некаде? Не заборавај да ја земеш својата со себе! Совршена прилика може да се појави во секој момент, затоа биди подготвен.

Цртај го она што го гледаш

Кога учиш и истражуваш, оваа реченица е златно правило. Цртај го она што го гледаат твоите очи, забележувај го како студија и собирај сознанија за твојата околина. Никогаш не престанувај да учиш од она што можеш да го видиш со свои очи.

Флексибилност

Понекогаш ќе се случи да го заборавиш скицникот дома, а пред тебе да се појави прекрасен споменик кој мораш да го овековечиш. Не очајувај, нацртај го на хартиено салфетче или парче картон со позајмено пенкало или молив.

Цртај го она што ти зборува

Не ја барај инспирацијата, таа сама ќе те најде.

Најди си друштво

Има уметници кои не сакаат да создаваат сами. Затоа, најди си трпелив придружник (или уште подобро, друг уметник) кој ќе ги поминува моментите на скицирање со тебе.

Понекогаш е потребно да побараш дозвола

При цртање на непознати луѓе, понекогаш е неопходно да побараш дозвола. Не мора секој да биде наклонет кон уметноста исто како тебе.

Секогаш на штрек

Внимавај на тоа што се случува околу тебе.

Скриј се

Ако не сакаш минувачите да те забележат, носи темни очила или капа со широк обод, не седи во центарот на плоштадот и едноставно – не привлекувај внимание.

Не плаши се од крајниот резултат

Фокусирај се на процесот, а не на резултатот. Ти си во фаза на учење, затоа не очекувај од секоја скица естетско ремек-дело на крајот. Не е секогаш се што ќе нацрташ визуелно совршено или технички правилно.

Експериментирај со техники

Експериментирај со широк спектар на техники и материјали. Не сакаш да носиш секаков материјал со себе надвор? Тоа не е никаков проблем – брзата скица со молив можеш да ја доработиш дома според твоите замисли.

Помалку понекогаш е повеќе

Овој совет важи и за техниките и приборот, но и за времето што го поминуваш надвор цртајќи. Дозволи му на скицирањето да ја задржи својата едноставност и приушти си доволно време за одмор.

Откриј го богатиот и разновиден градски живот

Не се сите урбани уметници архитекти и не мора секој цртеж на градот да биде само комплицирано нацртана зграда. Погледни околу себе – забележувај ги луѓето, фонтаните, оградите, тротоарите или автомобилите.

И јас често одам надвор да барам инспирација – без разлика дали е тоа во градот или во природата. Тоа е совршен начин за одмор и учење во исто време. Ако овие совети ти помогнаа или ти дадоа храброст, не двоуми се, земи го својот скицник и излези надвор.

Се гледаме следниот пат,

твојата пријателка Сабина.