Цртање и илустрација

Техники на цртање за почетници

Основни техники на цртање со молив

Меѓу уметниците се познати стандардните техники на цртање, за кои мораш да знаеш уште пред да го ставиш моливот на хартија. Некои се толку вообичаени што веројатно си ги користел и претходно, без воопшто да бидеш свесен за тоа.

• Напред-назад: Ова е една од најосновните техники. При овој начин, раката прави движење напред-назад. Рамномерното движење гарантира сенчење на површината, а во зависност од притисокот што ќе го примениш, твојот цртеж ќе биде потемен или посветлен.

• Шрафирање: Шрафирањето е поставување линии во редови и колони – вкрстување. Со моливот создаваш мрежа од линии кои се нормални една на друга. Линиите натрупани блиску една до друга ќе создадат темна површина, додека линиите кои се подалеку една од друга создаваат посветла површина.

• Вкрстено шрафирање: Оваа техника е варијанта на шрафирањето, каде што наместо создавање серија паралелни линии, твоите потези се пресекуваат меѓусебно во формација слична на крст.

• Scribble (шарање): Шарањето е една од најслободните техники на цртање. Всушност, се работи за слободно „шарање“ по листот хартија без прецизен крај. Колку повеќе шараш по одредена област, толку потемно ќе изгледа таа.

• Точкање (Stippling): Оваа интересна и убава техника е погодна главно за трпеливи уметници. Точкањето е техника на цртање со точки. Без разлика дали се работи за линии или сенчење – сè се црта само и исклучиво со помош на точки. Тука важи истото правило како и кај останатите техники – колку се погусти точките на еден дел, толку е потемен тој.

• Мешање/блендирање: Ако користиш јаглен или молив, обиди се да ги измешаш. Започни со техниката напред-назад за да ја покриеш целата хартија, а потоа втриј го медиумот. Можеш да користиш прст, памучно стапче (или тортилон) или велур. Друга можност за мешање е да експериментираш со графит во прав и со помош на четка постепено да создаваш сиви тонови на твојата хартија.

Следниот пат ќе резимираме и ќе споделиме неколку совети и трикови пред почетокот на цртањето, па можеме да се фрлиме на работа!

Се надевам дека научи нешто ново и ти посакувам многу креативни моменти.

Твојата Сабина.